Amiens. JDA n° 929. 20-26 Nov. 2019. © DR.
Mi eussi, foé ed'Lafleur, j'vos tchulbuter min fandart dans chés jets d'ieu d'el plache d'la gare, et j'm'in vos y couler min bronze ! N'in v'lo eine bielle oeuvre d'art ! N'fro p'tête point sept mètes de heut, mais j'vos d'minder mes six chint mille euros ! Un bronze d'Lafleur, ch'est toudis éne oeuvre d'éne grinde valeur !
Allez, mes gins, dins l'tête ed Lafleur, y'o point d'gêne, y'o qu'du gingin ! Por mi, s'ra jamoés possib' ed rimplacher L'Appel au Peuple par L'Appel au Poulpe ! Feut vraimint stopper, tint qu'il est coère timps, eine merde parelle. Au prix qu'ça coûte ! Qu'tu le baptises calamar ou poulpe, ch'chef-d'oeuvre monumental n'a rien à faire sous nos climats. Dins éne forêt ed' bambous. Pour mieux foère avaler s'facture : un sacré coeup d'bambou. Allez, allez, on arrête tout !
Ch'Lafleur, y s'porte ! Ch'Poulpe, y s'déporte !
Ch'Lafleur, y candidate, Ch'Calamar, y s'carapate !
Pus d'bambous, pus d'poulpe, ch'Mairesse n'auro pus qu'à battre sa coulpe.
© Jean-Louis Crimon
/fdata%2F4425503%2Favatar-blog-1229661954-tmpphpenqLac.jpg){kind=avatar}