Amiens. Mail Albert 1er. 31 Janvier 2020. © Jean-Louis Crimon
A croère qu'el plache ed' Maire d'Anmiens, ch'est éne sacrée boenne plache : y n'o du monne à présinter éne étchipe pour el'prochaine municipale ! Pis, sins trop divulguer précisémint chés noms, i n'o du monne à dire à Ch'Lafleur : tu d'vros t'ingager aveuc nous, t'es grinmint proche ed' nos idées, pis toute, pis toute... Comme si qu'ech' championnat d'chés grinds minteux, y v'no juste ed c'mincher. Je n'peux pus mett' min nez à l'fernette ou min gosier où qu'y o un coeup à boère qu'ej' m'intinds dire : rejoins-nous, viens grossir not' liste, y n'manque que toi ! J'en passe pis j'en rapasse, des moins boennes, pis des pas meilleures. Sont tous partis à l'cache avant l'ouverture.
L'pire, ch'est ch'ti qui m'o dit, sins rire : tu serais éne sacrée boenne forche d'appoint ! J'l'o r'bayé comme si j'alloais lui en coller éne, puis j'y ai déclatché dins s'gamelle : Ch'Lafleur, ch'est point éne force d'appoint, c'hest Tête de liste ou rien !
Ch'gars il o titubé dins s'tête, pis il o prind sin capieu et sins dire un mot d'pus, il o quitté les lieux. Ch'est sorti d'un coeup d'el bouque de ch'patron du bistrot : Bistoule pour tout l'monne !
© Jean-Louis Crimon
/fdata%2F4425503%2Favatar-blog-1229661954-tmpphpenqLac.jpg){kind=avatar}