Overblog
Editer l'article Suivre ce blog Administration + Créer mon blog
3 février 2020 1 03 /02 /février /2020 14:10
Amiens. Rue Saint-Leu. 1er Février 2020. © Jean-Louis Crimon

Amiens. Rue Saint-Leu. 1er Février 2020. © Jean-Louis Crimon

L'eut' jour, j'o lu dins ch'jornal, ch'Courrier qui part, pour point l'nommer, qu'y avoait éne liste qui vouloait ingager des gins qu'ont jamoais foait ed'politique. Des chimples citoyens, comme y disoètent ! Foé ed'cafougnette, j'me suis pos déballonné, j'y o été candidater !

On étoait, sins mintir, facile éne boéne chintaine. Ch'problème m'o pos rindu blême : y'avoait qu'vingt-huit plaches. Mais bon, o l'savez bien, mes gins, fanfaron que Ch'Lafleur y peut êt', ej' m'voyais déjà tout ein heut d'el liste. Carrément Maire-adjoint. Responsab' in chef ed'chès Fêtes, ed' chés Foères et pis d'el Cultchure ! Tous chés trucs où qu'y o des coeups à boère ! pis d'bieux discours à foaire !

Sérieusemint, qu'ej' m'sus dit mi-minme, Lafleur, t'es pos pus bête qu'in eute ! Ben, ch'est vrai, t'es pos agrégé de l'Université, t'es plutôt désagrégé du traval' salarié, mais t'as éne plache à prind', min camarade. A t'fro six ans au chaud, dins chés bureaux d'el Mairie qu't'os pos vu d'près depuis tin mariache aveuc l'grinde Sindrine ! Y'o pus d'trinte ans ! In bieu boulot d'burieu, bien au keu, pis avec chauffeux. Ch'est foait pour ti, min tiot sapristi ! 

 

Ben, o m'croirez si vous voulez, mais Ch'Lafleur, il o été r'calé. Même pas print pour ch'l'oral ed'rattrapache ! Trop intelligint d'une intelligince pos coère intelligib'. Trop ingérab', trop imprévisib', trop ci, trop ça. Trop quequ' cause en tout cas sans doute. Rien à fout' ! Ch'Lafleur y vo fêter ça avec sin copin Biloute ! Chés élus, tous des gaveux, des berdleux, des cafouilleux. 

Ch'Lafleur, i gno mi b'soin d'êt' dins éne liste, Ch'Lafleur, ch'est un Parti à li tout seul ! L'Parti d'el repartie ! Plus fort que l'Parti des partis pris ! 

 

© Jean-Louis Crimon 

Partager cet article

Repost0

commentaires

Présentation

  • : Le blog de crimonjournaldubouquiniste
  • : Journal d'un bouquiniste curieux de tout, spécialiste en rien, rêveur éternel et cracheur de mots, à la manière des cracheurs de feu !
  • Contact

Recherche

Liens